Wednesday, June 25, 2014

භික්ෂූන් වහන්සේලා පිරිහරණය කරන පාත්‍රා කළුකරගන්නා අයුරු පියවර 02 (22 photos)

ඔබේ මිතුරන්ටත් බලන්න ෂෙයාර් කරන්න....
මින් පෙර පාත්‍රය කළුකරන්නට අවශය තලතෙල් පිළියෙළ කරගන්නා ආකාරය ඡායාරූප සමග පලකළා... වැඩකටයුතු අධික නිසා එහි දෙවන පියවර නිමාකරන්න කාලය ගතවුණා. ඔන්න අද දෙවන පියවර නිමාකළා. මේ ඒ ගැනයි. භික්ෂූන් වහන්සේ පිරිහරණය කරන පාත්‍රා පරිහරණය සඳහා පිරිසිදුව කළුපාට කරගැනීම සඳහා අනුගමනය කළ යුතු පියවර තුනකි..
01 තලතෙල් හින්දවීම...(පදමට සකසා ගැනීම)
02 පාත්‍රය පුච්චා පිරිසිදු කරගැනීම
03 පාත්‍රය කළු කිරීම යනුවෙනි...
මේ පාත්‍රය පුච්චා පිරිසිදුකරගන්නා ආකාරය ගැනයි. සුදුසු ස්ථානයක් තෝරාගෙන එහි දහයියා ගොඩක් ගසා එහි පාත්‍රය තබා පාත්‍රය දහයියා ගොඩින් වැසිය යුතුය. ඉන්පසු දහයියාගොඩ ගිනි තැබිය යුතුවේ. පැය කිහිපයක් යන විට දහයියා ගොඩ ගිනිගෙන අලුබවට පත්වන අතර පාත්‍රයේ මින් පෙර ආලේප කිතිබූ ද්‍රව්‍ය (ලැකර්) සහ මලකඩ ආදිය පිලිස්සී යයි. ඉන්පස් ගඩොල් කුඩු ටිකක් ගෙන පොල් මුණ් ප්‍රත්‍රය පිරිමැද පිරිසුදු කළ යුතුය. ගඩොල් කුඩු සමග දෙයි ටිකක් මිශ්‍ර කිරීමෙන් මලකඩ හොඳින් ඉවත් කරගත හැකිය. කිහිප විටක් එසේ ගඩොල් කුඩුවලින් පාත්‍රය මැදිය යුතු අතර ඉන් පසු වතුරෙන් සෝදා පාත්‍රය වේලාගත යුතුය. එය පාත්‍රය කළුකිරීමේදී අනුගමනය කළයුතු දෙවන පියවරයි. මෙහි ඒ සම්බන්ධ ඡායාරූප ඇත. පාත්‍රය තලතෙල් භාවිතයෙන් කළුකරගන්නා ආකාරය දින කිහිපයකින් ඉදිරිපත් කරන්නම්..ඔබේ මිතුරන්ටද මෙය ලබා දෙන්න.. ඔබ සැමට තෙරුවන් සරණයි...!!! 





















ඔබේ අදහස් පහතින් දක්වන්න...

කලණ මිතුරු ඇසුර ගැන කවියක්...

ගොඩක් දවසකින් කවියක් පලකරන්න කල්පනා කළා... අහලා බලන්න... තෙරුවන් සරණයි...!!!
video

Saturday, June 7, 2014

අතිශය සුන්දර ගම්මානයක් වූ උඩුදුම්බර පදුපොළ ගමේ දරුවන්ට පාසල් උපකරණ බෙදාදෙන්නට අපි ඊයේ එහි ගියෙමු...

please share this...
හිතවත් මිතුරනි, අපි ඊයේ 2014-06-07 දින අප හෙළවිජය තරුණ සංවිධානයේ ‘‘තුරුණු පාරමී“ සමාජ සත්කාරක වැඩසටහන් මාලාවේ තවත් එක් වැඩසටහනක් සිදුකළෙමු. ඒ උඩුදුම්බර ප්‍රාදේශීය ලේකම් කොට්ඨාසයට අයත් අතිසුන්දර ප්‍රදේශයක පිහිටි පදුපොළ ගම්මානයේය. සවස 6 ට සියලු ගම්වැසියන් උදෙසා ගඟසිරිපුර ධම්මාලෝක හිමියන් විසින් ධර්මානුශාසනයක් පැවැත් වූවා. එහිදී ධර්ම දේශනාව සඳහා පිරිකර වශයෙන් අප සංවිධානය මගින් පිරුවාණා පොත් වහන්සේ නමක් සූදානම් කර තිබූ අතර එම පිරුවානා පොත් වහන්සේ සහ ලැබුණු පුණ්‍යාධාර ද ගමේ පන්සලේ හාමුදුරුවන්ට අප සංවිධානයේ සංවිධායක මහතෙකු අතින් පූජා කරනු ලැබීය. අනතුරුව ගඟසිරිපුර ධම්මාලෝක හිමියන්ගේ මූලිකත්වයෙන් පදුපොළ ගමේ ධර්මචක්‍ර දහම්පාසලේ සියලු දරුවන් උදෙසා පාසල් උපකරණ බෙදාදෙනු ලැබීය...එම උතුම් වැඩසටහන අප අපේක්ෂා කළ අයුරින් ඉතා සාර්ථකව සිදුකරන්නට අපට හැකිවිය.. මෙම වැඩසටහන රාත්‍රී 8.30 වන විට නිමාවට පත් වූ අතර මීළඟ ‘‘තුරුණු පාරමී“ වැඩසටහන තවත් මෙවැනි දුෂ්කර ප්‍රදේශයකන සිදුකරන අදහසින් අපි සැම පිටත්ව ආවෙමු...අසරණ මිනිසුන් හා දරුවන් වෙනුවෙන් මා සිදිකුරගෙන යන මෙම වැඩසටහන් සඳහා ද්‍රව්‍යමය වශයෙන් (පාසල් උපකරණවලින්) පමණක් ඔබටත් උදව්කළ හැකිනම් ඒ බව මාහට දැනුම් දෙන්න..
ගඟසිරිපුර ධම්මාලෝක හිමි..
face book - gangasiripura dhammaloka thero
071-4962050
(මෙහි පළමු පින්තූරයේ ඉන්න දරුවා අප එහි ගිය පසු මා අසළට පැමිණ ‘‘සාදු අපට තෑගි ගෙනාවද“ කියා ඇහුවා)
ඔබ සැමට තෙරුවන් සරණයි...!!!